O Odeón de Herodes Ático é un edificio para audicións
musicais, erixido no ano 161 grazas á gran fortuna do cónsul romano Herodes Ático, que o fixo construír en
memoria da súa muller, Aspasia Annia
Regilla, morta o ano anterior.
Herodes Ático, en grego Ἡρώδης ὁ Ἀττικός, tamén coñecido
polo seu nome romano Lucio Vibulio Hiparco
Tiberio Claudio Ático Herodes (Maratón, 101 – Roma, 176) foi
un retórico grego e político ao servizo
do Imperio romano famoso pola súa fortuna e polo seu mecenado público.
A súa vida é descrita nas obras de Filóstrato, Vidas dos sofistas, e de Aulo
Gelio, Noites Áticas, así como na correspondencia de Marco Cornelio Frontón.
Ademais de ser o autor de numerosas obras literarias, Herodes financiou numerosos proxectos
públicos. En Atenas subvencionou a construción dun estadio e dun odeón; en
Corinto dun teatro; en Delfos dun estadio; nas Termópilas dunhas termas; en Canusium (Italia) dun acueduto; en Olimpia
dunha exedra/ ninfeo. Así mesmo concedeu
importantes axudas económicas aos habitantes de
Tesalia, Epiro, Eubea,
Beocia e Peloponeso.
Emprazouse xunto ao Teatro de Dioniso, no extremo oeste do pendente sur da
Acrópole de Atenas. A súa construción durou aproximadamente dez anos, porque xa
estaba terminado en 174, cando Pausanias
veo e descríbeo.
A súa planta é similar á dun teatro romano, coa diferenza de
que o odeón estaba cuberto. Era máis ben
pequeno, tiña un aforamento nas súas bancadas para cinco mil espectadores; a
poboación da cidade ascendía a uns 290.000 habitantes. O escenario era de
mármore branco e cipolín (un tipo de
mármore) e tiña unha lonxitude de 35 metros.
A construción foi extremadamente cara, feito confirmado por
testemuños antigos, que mencionan a madeira de cedro usada no teito. Parece que
o teito da cávea, con 38 metros de radio,
non tiña soportes internos, xa que non hai rastro de tales soportes, o que
constitúe un alarde construtivo, mesmo hoxe en día.
O Odeón foi destruído no ano 267, como
consecuencia da invasión dos Hérulos. A
diferenza doutros edificios que sufriron danos, nunca foi reconstruído.
O Odeón hacia 1868-1875. Fotografía de Félix Bonfils.
A escavación do monumento iniciouse a mediados do
século XIX, pola Sociedade Arqueolóxica
e o arqueólogo K. Pittakis, eliminando toneladas de terra. O
edificio foi restaurado en 1952-1953.
Desde 1957 alberga diversos espectáculos
artísticos, como concertos, teatro, óperas e espectáculos de baile.
O Festival de Atenas celébrase alí cada ano de maio a setembro.
Texto da Wikipedia.
Fotos de Iniciarte.
Entradas
No hay comentarios:
Publicar un comentario