Exposición sobre Frank Lloyd Whright aos 50 anos do seu pasamento

A retrospectiva Frank Lloyd Wright: From Within Outward , do Guggenheim de Nova York, a partir de maio, e diversos libros recordan a un dos mestres e renovadores da linguaxe arquitectónica do século XX no 50.º aniversario da súa morte, que se cumpre hoxe. Un aniversario que chega en tempos de crises a nivel mundial, un problema que viviu Wright (1867-1959), quen desenvolveu o estilo Usonian, entre 1936 e os anos cincuenta, para abaratar as vivendas da clase media, que padeceu as consecuencias da gran depresión de 1929 e a Primeira Guerra Mundial. Esa xeito de proxectar os edificios que creou este visionario da nova arquitectura do formigón e o cristal achegou nos seus 62 anos de carreira outra forma de convivencia do ser humano cos edificios civís e gobernamentais.

A apertura metafórica que este arquitecto levou a cabo nos seus edificios foi a creación de espazos diáfanos e a colocación de grandes ventás.

Wright desenvolveu unha «arquitectura da democracia», segundo a súa fundación, a pesar de que os custos das súas vivendas eran para poucos petos. As cociñas americanas e as prazas de aparcadoiro ao aire libre, que hoxe en día son moi comúns, xurdiron da mente deste arquitecto cando concibiu as súas casas Usonian. Moitos dos seus proxectos non se construíron. Wright debuxou -nuns 22.000 bosquexos- máis de mil edificios, dos que uns 480 realizáronse e dous foron demolidos: o Midway Gardens, de Chicago, e o mítico Imperial Hotel, de Tokio, segundo datos da fundación que vela polo seu legado.

A creatividade de Wright foi básica na súa linguaxe arquitectónica, co que achegou un novo xeito de concibir a construción e que no século pasado fomentou a volta das formas clásicas do renacemento italiano.

Texto e fotos vía La Voz de Galicia.