22/10/09

Exposición no Thyssen: As bágoas de Eros

Ábrese ao público no Museo Thyssen a exposición 'As bágoas de Eros', un percorrido pola historia do erotismo da man da arte.

A historia do erotismo é a historia da humanidade e, xa que logo, é tamén a historia da Arte. Esta é a tese que se conta en Bágoas de Eros, a exposición que se abre ao público na Fundación Thyssen e en Caixa Madrid e que, con toda seguridade, será a exposición da tempada. Con 119 obras procedentes de museos e coleccións privadas de todo o mundo, Guillermo Solana, conservador xefe do Thyssen, comisariou unha exposición tan orixinal como arriscada. Construída sobre a base dos grandes mitos da Antigüidade, a exposición fala de todas as orientacións posibles do desexo: heterosexualidad, homosexualidade masculina e feminina, voyerismo, exhibicionismo, sadomasoquismo, decapitación e suicidio. Beleza e pracer, morte e orgasmo danse a man é esta peculiar mostra na que a escultura e pintura clásica se intercalan coa fotografía e o vídeo. Caravaggio, Rousseau, Cezanne Picasso, Dalí, Oscar Domínguez, Antonio Saura, Rodin, Courbet, Edvard Munch, Man Ray, Louise Bourgeois,Warhol, Maplethorpe, Bill Viola e Sam Taylor-Wood son algúns dos artistas representados.

Guillermo Solana, responsable artístico do Thyssen desde hai catro anos, confesou que a idea de montar esta exposición veulle á cabeza fai ano e medio. "Estaba nun momento moi baixo. Os proxectos parecían tocar teito e as expectativas non eran as mellores posibles. Vivía un momento de algo parecido á depresión. Se seguía, tiña que cambiar o rumbo do museo e conseguir que, de verdade, viñesen a estas salas toda clase de persoas. Souben que tiña que atopar unha fórmula con máis compromiso, máis audacia e máis valor da que ata entón utilizaramos O erotismo está en todas as nosas relacións e é a mellor forma de chegar a todo o mundo."

O andamiaxe da exposición levántase sobre mitos tan reconocibles como Eva, as sirenas, Endimión, San Sebastián....Todas as salas mesturan obras de mestres do pasado con artistas contemporáneos.

No espazo do Museo Thyssen, a exposición ábrese con Venus, a deusa da beleza e segue Eva e a serpe, Esfinxes e sereas, As tentacións de San Antonio, O martirio de San Sebastián, Andrómeda encadeada e o Bico. En Caixa Madrid as salas recrean os mitos de Apolo e Xacinto, Cleopatra ou a agonía voluptuosa, Magdalena penitente, cazadores de cabezas e, a sala estrela da exposición: O soño de Endimión. Aquí está David Beckham durmindo, o vídeo de 20 minutos de duración realizado por Sam Taylor-Wood. Como o novo pastor Endimión, o belo futbolista aparece entregado a un soño eterno. Co torso espido, véselle nun profundo descanso. Ás veces acomoda a súa cabeza sobre a almofada ou despraza o seu tatuado brazo sobre a cabeza. Iso é todo. Pero se na presentación á prensa xa foi a peza máis contemplada, cabe supor que vai ser a obra máis popular desta peculiar exposición.

O seu único posible rival de fama van ser os preservativos fabricados expresamente para o merchandaising da mostra. A caixa, con tres unidades, reproduce o cadro Eva e a serpe de Jan Gossaert e véndese por 3'5 euros.

Visitade o especial de El País.

Texto e ilustracións vía El País. Album fotográfico vía El Mundo.

2 comentarios:

Ola dijo...

Parce unha exposición atractiva, a ver se fago tempo e puidera achegarme a Madrid para vela.

clariana dijo...

Imagino muy interesante esta exposición, pues se centra en algo muy importante del Arte como es el erotismo, que puede estar en cualquier zona del cuadro: una mirada, el pliegue de un ropaje, una sonrisa, una postura... Nos atrae aún sin saberlo, sin quererlo, incluso el color en sí creo que puede llegar a ser erótico. Saludos afectuosos.