Museo de Arte Abstracta de Cuenca

 

Situado nas singulares Casas Colgadas en pleno centro histórico de Cuenca, o Museo de Arte Abstracta Español expón unha colección de arte abstracta e reordena a súa colección periodicamente para acoller exposicións temporais.

O museo foi fundado a iniciativa do artista Fernando Zóbel en 1966 e está situado nas Casas Colgadas, unha edificación medieval moi singular que forma parte do armazón urbano da cidade antiga de Cuenca. En 1980, Fernando Zóbel doou á Fundación Juan March a súa colección de pintura, escultura, debuxo e obra gráfica, así como a súa biblioteca persoal e un conxunto cos seus diarios e máis de cento trinta cadernos de apuntamentos. Desde entón, a Fundación é titular do museo e responsable da preservación e actualización do legado recibido, que enriqueceu cos seus propios fondos e con novas adquisicións.

Resultado da xenerosa iniciativa de Fernando Zóbel, que contou desde o principio coa valiosa colaboración de Gustavo Torner e GerardoRueda –xunto á doutros artistas–, o museo constituíu unha iniciativa pioneira, xa que, ata a década dos oitenta do século pasado, España apenas contaba con institucións –públicas ou privadas– dedicadas a coleccionar e exhibir publicamente arte contemporánea –abstracta, neste caso– en condicións museográficas modernas.

O Museo de Arte Abstracta Español converteuse enseguida nun referente no panorama museístico nacional e internacional. Por suposto, pola arte –unha selecta colección de pinturas e esculturas comprendidas entre os anos cincuenta e oitenta do século pasado– pero tamén polo edificio histórico que a acolle, un conxunto de casas do século  XV que, colgadas sobre a fouce do río Huécar, aínda hoxe conservan algunhas trazas da súa orixe.

En 1980, Fernando Zóbel doou á Fundación Juan March a súa colección de pintura, escultura, debuxo e obra gráfica, así como a súa biblioteca persoal e un conxunto cos seus diarios e máis de cento trinta cadernos de apuntamentos.

En 1966, no prólogo ao primeiro catálogo do museo, Fernando Zóbel escribiu que a súa "colección", aínda que modesta en comparación á de calquera museo con historia, excede con moito as posibilidades de exhibición nas Casas Colgadas de Cuenca. […] Por iso […] a fórmula do museo será […] a de rotación lenta de obra". Hoxe, o Museo de Arte Abstracta Español é xa un museo "con historia". Nel, as obras da colección propia e as dos artistas españois e internacionais representados nas exposicións temporais que organiza, seguen rotando co grao xusto de lentitude que esixen o tempo da contemplación, o gozar e a aprendizaxe, ante a mirada de quen o visita.

Texto: Museo Arte Abstracta.

Fotografías: INICIARTE.