Dolmen de Pedra Moura (Carballo, A Coruña)

 

É unha construcción de considerable tamaño pois é de 2.40 x 3.20 metros no centro dun gran túmulo hoxe desaparecido (intúese pouco) polas labores agrícolas. As pedras (os ortostatos) que o configuran foron movidas do seu lugar e tan só dúas das cinco que quedan permanecen no seu lugar orixinal.

A páxina web de turismo do concello de Carballo infórmanos do seguinte:

Está situado no interior do municipio, na parroquia de  Aldemunde, a máis pequena de Carballo, nunha zona de gran interese paisaxístico e ecolóxico. Preto atopamos o castro de Aldemunde e, na mesma parroquia, un espazo natural de gran valor, A Ribeira da Pena, un dos bosques autóctonos máis importantes da Costa da Morte.

O dolmen da Pedra Moura é un dos máis grandes de Galicia. Este antigo monumento funerario está datado entre o 3.500 e o 2.700 antes de Cristo, na época de apoxeo da cultura  megalítica. Hoxe en día só conserva cinco das sete laxas que o constituían en orixe.

Di a lenda que as pedras que conforman esta anta foron carrexadas por unha muller desde o " petón de  Calvelo", mentres fiaba na  rueca e aleitaba a unha criatura.

Fotos: INICIARTE