El Prado exhibe "A purificación de María no templo" tras a súa restauración

A obra do mestre flamenco Pedro de Campaña está considerada como unha das máis emblemáticas do Renacemento.

Tras un longo e complexo proceso de restauración -catro anos de laborioso traballo-, o Museo do Prado exhibe ata o mes de marzo A Purificación de María no templo, unha das obras máis emblemáticas do Renacemento. Esta táboa de carballo de 330x240 cm. e 300 quilos de peso foi pintada polo mestre flamenco Pedro de Campaña (1503-1587) para a catedral de Sevilla. «A non moito tardar restituirase a Campaña ao lugar que merece, e este non é outro que situarlle na cima dos artistas do Renacemento», dixo a conservadora de pintura da catedral de Sevilla, Teresa Laguna . «O ano que vén pódese producir a explosión deste artista», engadiu.

A Purificación forma parte do Retablo do mariscal Diego Caballero, articulado nunha serie de escenas nas que, ademais de Campaña, interviñeron varios discípulos. «Na táboa central non hai máis mano que a de Campaña», asegurou Laguna . Influenciado por Durero e Miguel Anxo, o pintor flamenco representa na Purificación á Sacra Familia. A Virxe aparece acompañada pola personificación das sete Virtudes. Unha delas, a Caridad , atende os requirimentos dun home tullido.

«A peza chegou ao taller nun estado lamentable», indicou Maite Dávila, restauradora de pintura do Museo Prado. Dávila traballou de xeito conxunto con José de la Fuente, responsable do proceso de ensamblaje do soporte, formado por catorce paneis de carballo do Báltico de catro centímetros de grosor.

O texto, a noticia completa e as fotos, vía La voz de Galicia.