12/1/08

A igrexa de Santiago na Coruña

A igrexa románica de Santiago, na Cidade Vella da Coruña, é o edificio relixioso máis antigo da cidade. O templo pudo ser construído no século XII, aínda que a referencia máis antiga que coñecemos é de principios do século XIII. A esta primeira época corresponden as tres ábsidas da cabeceira (unha delas modificada), a metade do muro norte e a portada deste mesmo lado. Algúns elementos da portada principal poden ser tamén do XIII, sen embargo o deseño xeral que vemos hoxe nesta portada correspode aos século XV e XVI.


Nos séculos XIV e XV fixéronse importantes reformas: a 1448 corresponde a transformación do interior nunha única nave coa construción dos arcos apontados, a estructura da coberta e outros elementos do seu aspecto actual, como o deseño xeral da fachada. Tamén desta época é o rosetón da cabeceira, mentres que o da fachada principal foi construido totalmente no século XIX. En 1607 construíuse a torre das campás. Varios incendios (especialmente os de 1501 e 1779) danaron seriamente o edificio e obrigaron ás correspondentes reconstrucións e reformas.

Débese salientar dous feitos: por unha banda no adro desta igrexa reuníase o Concello da Coruña, ata o século XV, e por outra que o edificio está feito sobre a Brigantium romana polo que non de estranar que no interior da igrexa colocárase un Santiago peregrín sobre unha ara romana.


4 comentarios:

saaritaa dijo...

La verdad es que es una maravilla de iglesia románica,aunque haya tenido numerosas reformas,pero...
¿sabrias decirme donde está?es que no consigo darme cuenta de donde está.gracias!!

Antonio Martínez dijo...

Subindo á Cidade Vella desde Porta Real (esquina a María Pita) pola Rúa Santiago

Loly dijo...

A verdade é que xa hai uns días que non entro en Iniciarte (falta de tempo...) e debo dicir que me parece que fixeches un traballo fantástico.
A partir de agora, visita obrigada cando se fale de Arte.
Parabéns!!

saaritaa dijo...

gracias por ubicarme,ahora ya me di cuenta de donde se encuentra(habré pasado 2 o 3 veces por eso me sonaba).