Turner protagonizará a vindeira tempada no Prado

O gran pintor británico formará parte da oferta de exposicións que a pinacoteca prepara para o 2010

O Museo tamén dedicará mostras aos tapices do século XVI e a unha serie sobre armas na corte española

O museo do Prado bateu este ano a súa marca de visitas. Da man da exposición sobre Sorolla, a principal pinacoteca de España alcanzou os dous millóns e medio de visitantes nun ano, este 2009 que se presentaba especialmente complicado pola crise económica. Case 450.000 persoas acudiron a coñecer as obras do pintor valenciano.

Para o 2010 o director da pinacoteca, Miguel Zugaza, xa advertiu que as previsións non son moi halagüeñas xa que se baralla unha baixada dos visitantes dun 15%. «A cifra que sería bo manter é a de dous millóns e medio ao ano», considera Miguel Zugaza, para quen é excepcional que ata se elevou o número de visitantes no Prado con respecto ao ano da ampliación.

Aínda así, a pinacoteca xa apostou para o novo ano polas colaboracións con museos estranxeiros, como xa avanzou Zugaza ao anunciar algunhas das mostras coa que que contará o Prado a partir do próximo mes.

Turner e os mestres

O artista británico, xenio do luz do século XIX, Turner, é o protagonista dunha das mostras máis significativa , titulada «Turner e os mestres», que pretende explicar o vínculo artístico e as influencias que o gran pintor inglés recibiu doutros autores da súa xeración. A exposición recompilará 80 obras procedentes de distintas institucións e coleccións europeas e norteamericanas.

Os amantes da traxectoria do gran artista romántico británico poderán gozar, ademais, da inclusión dalgunhas obras, como Sombra e escuridade, A véspera do diluvio, Luz e cor, A mañá despois do diluvio, Paz e Enterro no mar, que non formaron parte das exposicións anteriores realizadas en Londres e París sobre o autor. Esta mostra permanecerá aberta do 22 de xuño ao 19 de setembro no edificio dos Jerónimos.

No mes de marzo, o Prado acollerá dúas exposicións, unha, titulada «Arte de poder. Armas e pinturas da corte española», aberta do 8 de marzo ao 16 de maio, está composta por unha selección de pezas cedidas pola Real Armería de Madrid e varias pinturas que poñen de manifesto a importancia que das armas na monarquía española a partir do Renacemento.

Un retrato e tapices

A partir do 16 de marzo e ata o 30 de maio tamén se poderá contemplar a obra invitada, neste caso o retrato das fillas de Edward Darley Boit, de John Singer Sargent (1856-1925), procedente do Museum of Fine Arts of Boston, un cadro que permitirá establecer unha comparación con pezas do propio Prado; nesta caso coa gran obra de Diego Velázquez, As Meninas, unha obra na que Sargent, admirador do artista español, inspirouse para realizar o retrato que agora se poderá contemplar no Prado.

«Willen de Pannemaker. A serie de Mercurio», é o título doutra das exposicións que albergará o Museo do Prado ao longo do próximo ano. Nesta ocasión estará dedicada aos tapices de Willem de Pannemaker, o gran tapicero do Renacemento flamenco e membro dunha das máis famosas familias de tejedores de Bruxelas, que permaneceu activo entre 1535 e 1581. Este artista traballou para as nobreza e as principais casas reais de Europa. Na mostra, que se poderá visitar entre o 1 de xuño e o 26 de setembro, reúnense os oito tapices mitológicos que integraron a serie de Mercurio, hoxe dispersos en importantes coleccións e institucións particulares, dúas dos cales pertencen ao propio Museo do Prado. A serie transcribe, en ouro e seda, os versos de Ovidio sobre os amores do dívos Mercurio, fillo e mensaxeiro de Júpiter, con Herse, filla do rei de Ática".

Texto e ilustracións vía La Voz de Galicia.