Castro de Elviña, xacemento aberto

Non quero deixar pasar máis tempo sen aludir ao blog Quotidianum, do amigo Xosé María Bello, director do Museo Arqueolóxico da Coruña, director das escavacións do Castro de Elviña e con quen tiven a fortuna de participar nunha campaña no dolmen de Dombate e nunhas catas na Torre de Hércules. Déixovos, a continuación un pequeno texto do blog citado. As fotos tamén proveñen de Quotidianum.

"Investigación e intervencións arqueolóxicas no Castro de Elviña: estado da cuestión José Mª Bello Diéguez (museo@sananton.org) Begoña González Afuera (bgafuera@telefonica.net) Museo Arqueolóxico e Histórico da Coruña.

RESUMO Dende 2002 desenvólvese a fase actual de intervención arqueolóxica no Castro de Elviña, con traballos de escavación, consolidación, estudos de laboratorio e proxección didáctica, no seo do denominado Proxecto Artabria, promovido e financiado polo Concello da Coruña coa colaboración doutros organismos de goberno (singularmente a Consellería de Cultura da Xunta de Galicia e os Ministerios de Cultura e Fomento). O obxecto desta comunicación é presentar o estado actual das devanditas investigacións e actuacións, ofrecendo os resultados dos traballos de campo e de laboratorio que se obtiveron ata o momento, os cales permiten establecer varias fases de ocupación ben diferenciadas por materiais, estruturas e secuencias estratigráficas, así como delimitar áreas de funcionalidade específica nos espazos do castro".

Ler o texto completo.