Mil comentarios, mil grazas

O que parecía imposible, aconteceu. Tras case dous anos de vida, esta bitácora chegou aos mil comentarios.

Grazas a todas e a todos os lectores e seguidores de INICIARTE e especialmente grazas a todos aqueles que nalguna ocasión tivéchedes a ben deixar a vosa opinión. Sen os vosos escritos este blog non sería o mesmo. Puro feed-back, pura web 2.0.

As dez persoas que máis comentarios escribiron foron:

Sarinsky, estudante de arte, compartín con ela un curso, mantén Artechachi, un blog cun percorrido impresionante.

Loly Lago, mestra e amiga, blogmáster de O Segrel do Penedo (todo o que quero aprender está aí)

Ana, colega de profesión que fai de cada entrada en Arel-Arte toda unha lección. As súas presentacións son extraordinarias.

Duncan de Gros quen desde Arte Extremadura abre unha xanela de aire fresco ao mundo da arte.

Fet, desde as súas Crónicas de Putada Ville introduce as súas reflexións no meu cerebro como auténticas labazadas vituais.

Clariana, toda unha lección estética desde Pensaipinta.

Beni, amigo clásico, bibliotecario, e fotógrafo free-lance de Iniciarte.

Luís Gómez, crítico, reflexivo e literato desde No soy dios pero lo intentaré.

Nes, a actualidade da arte contemporánea desde o coruñés ART234.

O Segrel do Penedo, o blogue amigo.

Pero non esquezo a ningunha das persoas que por aquí pasaron ou pasan frecuentemente e que de cando en vez deixan o seu comentario.

MIL GRAZAS