Arte na rúa: Manolo Valdés

O valenciano e residente en Nova York, Manolo Valdés (1942-) está a expor algunha das súas grandes esculturas na coruñesa Prazas de María Pita. Co financiamento de La Caixa , ao igual que xa fixera con obras de Igor Mitoraj das que INICIARTE xa deu conta no seu momento, podemos gozar ata finais de xaneiro de Arte na Rúa.

A Manolo Valdés coñecino xusto no ano que se desfixo o Equipo Crónica. Por aquel entón eu estaba moi interesado no Pop Art, e viña de descubrir a este impresionante trío de artistas españois. O Equipo Crónica (1963-1981 ) estivo composto por Manolo Valdés, Juan Antonio Toledo e Rafael Solbes (morto en 1981) Foron os mellores expoñentes do Pop Art, mesmo esti veron utilizados polo Ministerio de Información e Turismo de Manuel Fraga para a promoción turística de España no exterior. Non deixou de ser curiosa esta utilización da arte contemporánea (non é agora o momento de profundar nas kafquianas relacións entre a ditadura e a arte do seu tempo) polas autoridades daquel entón posto que un rasgo definitorio do Equipo Crónica foi a súa militancia antifranquista. Sempre que me achego ao Reina Sofía visito as súas obras.

A wikipedia pode informarvos sobre a súa traxectoria, podedes coñecer un comentario crítico ou unha páxina de homenaxe .

Nas esculturas de Manolo Valdés, que estes días podemos contemplar na Coruña, aprécianse varias das características da súa obra: a sinxela formal, a contundencia dos seus volume, a temática das meniñas velazqueñas.

Esta entrada vai adicada a Xavier Martínez, galego de adopción.