A Virxe do Chanceler Rollin (e III): a Virxe

A Virxe, como invitada de honra, ao fogar do Chanceler, aparece sentada modestamente sobre un coxín ofrecendo ou seu corpo como trono ao neno Xesús. Está marcada pola dozura do manto púrpura e pola coroa real. O pecador de xeonllos aspira á comprensión e á indulxencia.

En oito ocasións pintou van Eyck á Virxe, afirmando dela que “brilla máis que o sol e supera en esplendor ao ceo estrelado”, segundo deixou escrito no marco dun deses cadros. Por que aparece a figura da Virxe no cadro? Temos que lembrar que Nicolás Rollin intentou durante toda a súa vida gozar da gracia da María. Como exemplo desa adoración cabe citar que no 14461 doara á igrexa de Nosa Señora de Autun unha estatua da Virxe de prata de máis de sete quilos xunto cunha coroa de ouro. De feito, pódese interpretar a cora que porta o anxo podería ser unha alusión a esta doazón.

Son moitos os documentos que amosan a veneración do chanceler pola Virxe de Autun: mandou restaurar e embelecer a igrexa, onde fora bautizado, e fixo varias doazóns; desde a súa vivenda podía acceder por un corredor privado ata igrexa parar asistir aos oficios relixiosos. Mais esta táboa semella case un monumento ao comitente cá adoración á Virxe. Están retratados de igual a igual. Nin tan siquera nunha igrexa senón no que podería ser a residencia privada do chanceler que non ten unha mirada presisamente de devoción ou de fervor relixioso. É unha mirada de profunda autosatisfacción.

Orixinariamente esta táboa non estaba destinada para retablo senón que foi encargada como unha obra conmemorativa para o lugar onde se diría unha misa diaria para pedir pola salvación da alma de Nicolás Rollin tras a súa morte.

O entrecomillado procede de Rose Mari Rainer Hagen. Los secretos de las obras de arte. Taschen, 2002, páx. 34...

Créditos da imaxe da Virxe e do anxo e a coroa