Nova estrutura e organización da proba de Hª da Arte nas PAAU

Segundo podemos ler na Ciuga hai modificacións moi importantes na proba de seleitividade. Déixovos o texto completo:

"O modelo de exame terá unha pequena modificación respecto ó empregado no curso anterior: En vez de propoñer dúas opcións para escoller unha, proporanse dous bloques: un de antigo e medieval e outro de moderno e contemporáneo. Cada bloque constará de dúas láminas das que o alumno terá que escoller unha e comentala segundo os seguintes apartados:

A.- Un punto pola súa catalogación sinalando cultura/estilo/movemento; cronoloxía; obra; e autor, se procede.

B.- Outro punto pola análise do contexto histórico-artístico.

C.- Finalmente dous puntos por analizar e xustificar a obra seguindo os enfoques metodolóxicos da historia da arte.

O exame completarase, como o ano pasado, coa formulación de oito preguntas de definición de conceptos (véxase o apartado Vocabulario de conceptos artísticos), das que os alumnos terán que escoller tan só catro, que puntuarán a 0,50 puntos cada unha. A diferenza do que ocorría no antigo programa de COU, non existe unha lista de láminas, non obstante estas escolleranse entre as máis representativas do período ou dos artistas estudalos. "