Iniciarte: The Opera House, Sidney (IV)

22/4/19

The Opera House, Sidney (IV)

Estrutura

A estrutura alixeirada en forma de bóveda estaba inicialmente indefinida xeometricamente, pero case desde o principio do proceso de deseño do edificio as bóvedas foron proxectadas como unha serie de parábolas apoiadas por unha estrutura prefabricada de costelas. Tiveron que atopar unha maneira pola cal construír de forma económica as bóvedas de forma prefabricada, porque usar encofrado “in- situ” carrexase un custo desmesurado.

Desde 1957 ata 1963 o equipo de deseño barallou polo menos doce diferentes interaccións na forma das cascas (esquemas incluíndo parábolas, costelas circulares e as elipsoides) antes de que unha solución realizable fose terminada.

O traballo de deseño sobre as cascas implicou unha das aplicacións máis temperás das computadoras na análise estrutural para entender o complexo sistema de forzas que recibirían as cascas. Na metade do ano 1961 o equipo de deseño atopou unha solución ao problema: todas as cascas son creadas como seccións dunha esfera. Desta maneira a forma esférica foi a finalmente usada no deseño final. A esfera ao ser a superficie curva tridimensional máis sinxela abría un gran abanico de posibilidades no deseño así se convertía na forma xeométrica máis simple e fácil de controlar. Nunha esfera o grao de curvatura é igual en todos os puntos da mesma.

O logro desta solución evitou a necesidade da construción do custoso encofrado permitindo o uso das unidades prefabricadas. Enxeñeiros de Ove Arup &socios comprobaron in situ a construción e colocación das pezas da bóveda, na cal se utilizou un innovador sistema de suxeición de aceiro denominado arco de construción para apoiar as diversas azoteas antes da terminación. Así para a forma da estrutura das vigas empregaron un sistema de abanico. As vigas partían dun punto abríndose como un abanico sendo o seu trazado o dos meridianos da esfera facendo que a liña que as define tería para todas as vigas o mesmo radio: 460 pés.

Coa fabricación na mesma obra a súa construción simplificouse de sobre maneira sobre todo porque as carcasas son fragmentos dunha mesma esfera dun radio de ao redor de 75 metros (246 pés). Ao traballar cunha esfera non só se simplificaban a construción se non que tamén os cálculos.