10/4/17

Varsovia: Arquitectura contemporánea


Desde que Polonia forma parte da Unión Europea os investimentos en arquitectura non deixan de medrar. Como saberedes calcúlase que o 80% das edificacións da capital Varsovia foron destruídas na Segunda Guerra Mundial. Desde os anos noventa o crecemento de Varsovia é espectacular.

Imos deternos hoxe na arquitectura do seu distrito financeiro, sen aludir á arquitectura da época soviética da que xa coñecemos o seu Palacio da Cultura e da Ciencia. É precisamente nesa zona onde medraron os edificios de oficinas, hoteis e centros comerciais. En conxunto, creo que restan personalidade á capital polaca, caracterizados polo aceiro e o cristal.

Poderíanse salientar edificios como o Metropolitan, na Praza Pilsudskiego, proxectado por Norman Foster; o Warsaw Trade Tower, na rúa Chlodna; os edificios Atrium e PZU; o hotel Westin, situado ao longo da avenida Jana Pawla II; a Rotonda da ONU (Rondo ONZ);  o rañaceos de Daewoo na rúa Towarowa; o FOCUS na avenida Armii Ludowej, así como o hotel InterContinental, na rúa Emilii Plater, e, na súa contorna o xigantesco centro comercial e lúdico Zlote Tarasy (Terrazas Douradas).

 Para máis información visitade Plataforma Arquitectura, Salta conmigo e Hawava.


Fotos: Iniciarte. Máis fotos neste álbum.

No hay comentarios: