Un pintor sometido a referendo? Pois si,
e o artista tiña que ser Picasso e o lugar en Basilea (Suíza). Vexamos como foi a historia segundo lembra o neto do malagueño, Olivier.
En 1967, o propietario de dúas obras (O
arlequín sentado e Os dous irmáns) que as tiña depositadas no Museo de Basilea,
decidiu vendelas. O responsable da conservación da colección do museo, Franz
Meyer, convence ao consello municipal para que aplique o dereito preferente de
compra. O prezo fixado era de 8.400.000 francos suízos (case un 14 millóns de
euros). Desa cantidade, a cidade debería aportar seis millóns e o o resto tería
que conseguilos o museo.
A pinacoteca fai gala dunha grande imaxinación
para buscar os cartos, mesmo organizando unha gran festa. Consegue os fondos
precisos. Mais logo principian as opinións contrarias á que a cidade teña que
aportar os seis millóns comprometidos e unha serie de persoas decidiron propoñer
a celebración dun referendo con gallo de determinar se Basilea debería ou non
solicitar un crédito extraordinario destinado á adquisición das obras de
Picasso.
O 22 de decembro de 1967 un 55% dos
votos emitidos foi favorable á mercar os dous cadros. Picasso foi avisado con
prontitude do feito e ficou abraiado pola adhesión popular. A resposta do pintor foi
invitar ao conservador do museo, Franz Meyer, á súa residencia de Mougins. A
sorpresa do suízo tivo que ser tremenda cando Picasso lle agasalla con catro
cadros máis en agradecemento á poboación de Basilea polo esforzo económico que
viñan de asumir.
Seis cadros polo prezo de dous…
O arlequín sentado foi pintado en 1923,
é un óleo sobre lenzo de 130,5 x 97 cm. e que se conserva no Museo de Basilea (só faltaría). Fixo de modelo
Jacint Salvado, amigo de Picasso.
Bibliografía: Olivier
Widmaier Picasso. Picasso, retratos de familia. Madrid, Algaba, 2003.
Entradas
No hay comentarios:
Publicar un comentario