Olimpia

O lugar de Olimpia é moi coñecido por dous factores: por seren a orixes das olimpíadas e pola súa importancia relixiosa.

Hai constancia de que xa no ano 772 antes da nosa era celebráranse uns xogos olímpicos. Hoxe fican claramente visibles os restos arqueolóxicos do seu estadio. Tamén sabemos que o emperador Teodosio prohibiunos no século IV.

A nivel arqueolóxico e artístico debemos sinalar varias ideas. Por unha banda alí Fídeas fixera unha xigantesca estatua de ouro e marfil (criselefantina) para conmemorar a vitoria sobre os persas na II Guerra Médica. Tamén hai evidencias arqueolóxicas do obradoiro do mestre. O lugar foi saqueado polos arcadios e, posteriormente, foi protectorado de Alexandre Magno.

Foron os franceses que, a partir do 1829, iniciaron as escavacións arqueolóxicas no lugar. Posteriormente continuada polos alemáns. De feito serían estes os que atoparían o Hermes de Praxíteles.

Ademais do xa mencionado estadio, deberíamos de destacar a importancia do seu templo dórico do que só temos resto das súas columnas e dos seus frontóns, a palestra, os propileos e o Filipeo, entre outros.

Gozade, agora, coas fotos que o noso bo amigo Pepe L.C. fixo para INICIARTE.