Vigo, a cidade das ondas

Outro dos libros recibidos como agasallo é Vigo. A cidade das ondas con fermosos textos do xornalista Eduardo Rolland e fotografías de Javier Teniente. O libro comezo coas seguintes palabras:

“Desde as illas Cíes, que a gardan do Atlántico coma sentinelas, ata a paz da enseada de Rande, onde o mar se fai espello, a ria de Vigo escintila de vida. A cidade, extensa, téndese nun sinuoso carrusel desde as alturas do Castro ou da Guía, para caer logo polos vales suaves da terra do Fragoso. Desde a ria, a urbe é rotunda, sólida, de altos edilicios e un longo porto ao que se arriman os xigantes do mar. En moitos recunchos, a cidade exhibe o seu poder económico, a súa forza. Pero, noutros, transpórtanos ao Vicus que foi, ao sinxelo burgo mariñeiro sobre un estuario natural de prodixio".