12/11/08

Continúa a polémica sobre a última obra de Barceló


"Polémica obra España achegará o 40% dos 20 millóns que custa a renovación da cúpula da ONU .
O resto do custo da obra de Miquel Barceló, xustificada pola súa achega aos dereitos humanos, págano empresas privadas.

O custo global da renovación da Sala XX do Palacio de Nacións da ONU en Xenebra, e da súa cúpula, pintada por Miquel Barceló, ascende a 18,5 millóns de euros máis o 10%, revelou hoxe o embaixador de España ante a sede europea de Nacións Unidas, Javier Garrigues.

O diplomático ofreceu esa cifra nun intento de pór fin á polémica que envolve a este asunto, e confirmou que se utilizou unha partida de 500.000 euros dos Fondos de Axuda ao Desenvolvemento (FAD), o que xustificou pola contribución desta obra de arte á promoción dos dereitos humanos e o multilateralismo.

«O orzamento aprobado polo padroado da fundación ONUART é de 18.487.498 euros, ademais dunha desviación autorizada do 10 por cento sobre esta cantidade», sinalou Garrigues, que tamén é vicepresidente de ONUART (encargada da obra), nunha conferencia de prensa dedicada á inauguración oficial que terá lugar o 18 de novembro.

Indicou que a cifra «cobre a totalidade dos custos, a obra de arte, a obra de enxeñería, os honorarios do artista, o amueblamiento, etc.», e confiou en que non nos imos a pasar dese 10 por cento autorizado por encima do orzamento».


O texto, a nova completa e as fotos vía La Voz de Galicia. Máis fotos en El País.

3 comentarios:

O Segrel do Penedo dijo...

"500.000 euros dos Fondos de Axuda ao Desenvolvemento (FAD), que xustifican pola contribución desta obra de arte á promoción dos dereitos humanos e o multilateralismo???????
Mellor non fago ningún comentario!!!!

Antonio Martínez dijo...

É certa que a arte ten prezo. ë certo que esta obra conta con máis de mil metros cadrados, estalagtitas de máis de dous metros e de 50 quilos de pintura, pero...
NOTA AO PÉ. Barceló empezoume a gustar cando lle vin unha gran exposición no Reina Sofía de Madrid.

Loly dijo...

Non cuestiono eu a Arte
non cuestiono a Barceló
mais falar de tantos cartos
a min moito me enoxou.

A min moito me enoxou
o que fixo algún "listillo"
que sacou a subvención
do "Multilateralismo"

Feliz Semana da Literatura de Tradición Oral!!!!