1/3/08

San Martiño de Noia (A Coruña)

Adicada ao patrón da vila medieval de Noia (ubicada no fondo da fermosa ría de Muros), foi reedificada en 1434, tal e como se pode ler na cara inferior do lintel. Hai probas arqueolóxicas e documentais da existencia anterior doutro templo. É un significativo exemplo da arquitectura gótica arcaica galega. Foi declarada monumento nacional, e a zona que a rodea conxunto histórico-artístico, en 1931.

Estivo inicialmente concibida para facela con tres naves, sendo finalmente dunha soa de cuberta de madeira sobre arcos transversais apontados, dividida en cinco tramos por arcos dobrados. A súa ábsida é poligonal cuberta con bóveda de abano e altos ventanais nos vans.

A portada oeste amosa unha gran riqueza escultórica, de clara influencia compostelá: apóstolos, Anunciación, doce anciáns músicos e, no centro, o Pantocrátor e anxos. A fachada principal está dominada por un potente rosetón. Conta cunha soa torre que é do século XVII. No lugar onde debería estar a outra torre atópase un reloxo doado polo marqués de Monroy

O interior do templo destaca a capela renacentista da Anunciación ou de Valderrama. Cúbrese con bóveda estrelada sobre lampetas, construídas polos torsos dos catro evanxelistas e posúe un magnífico retablo. Tamén é da salientar as fermosas e elevadas vidreiras da cabeceiras.


A presenza do templo da vida de Noi é permanente. Son múltiles e variadas as historias relacionadas co pasado da vila que teñen por centro este fermoso templo.



3 comentarios:

saaritaa dijo...

Una iglesia verdaderamente preciosa,los de Noia ya pueden estar contentos de tener un monumento histórico como este.

P.D: tengo una duda con respecto a su reedificación en el 14434...?¿

Antonio Martínez dijo...

Nunca sei se estás en serio ou en broma...

Dinos dijo...

This comment has been removed because it linked to malicious content. Learn more.